Педагагічны марафон

23 кастрычніка ў рамках Дня кіраўнікоў устаноў адукацыіна базе ДУА “Грыцэвіцкі дзіцячы сад Клецкага раёна” і ДУА “Грыцэвіцкая сярэдняя школа Клецкага раёна” быў праведзены калейдаскоп мерапрыемстваў пад адной тэмай “Маё прафесійнае будучае: ад А да Я”.

У выхаванцаў дзіцячага сада праз гульню-забаву  “Усе прафесіі патрэбныя, усе прафесіі важныя” развівалася цікавасць да працы дарослых і іх прафесій, да ўзаемаадносін людзей розных прафесій; замацоўваліся  ўяўленні пра розныя віды прафесій, матэрыяльныя і нематэрыяльныя вынікі працы, яе асабістую і грамадскую значнасць; стымулявалася жаданне дзяцей у далейшым атрымаць цікавую і патрэбную прафесію.

У 3 класе была праведзена класная гадзіна «Я б у медыкі пайшоў, хай мяне навучаць». У гульнявой форме навучэнцы змаглі пазнаёміцца ​​з прафесіяй урача і іншымі медыцынскімі спецыяльнасцямі. Яны пабывалі ў ролі медыцынскіх работнікаў і высветлілі вялікую значнасць дадзенай прафесіі ў розныя часы. Медыцынскія работнікі Грыцэвіцкай участковай бальніцы расказалі пра асаблівасці, цяжкасці і складанасці, неабходныя якасці характару ў людзей дадзенай прафесіі. Вучні прыйшлі да высновы, што людзей у белых халатах заўсёды паважалі і любілі, таму, што менавіта яны выратоўваюць людзям жыццё, усяляюць надзею ў заўтрашні дзень.

У ходзе дзелавой гульні “Топ 10 папулярных прафесій” вучні 7 класа пазнаёміліся з папулярнымі прафесіямі, такімі як маркетолаг, лагіст, арт-дырэктар, супервайзер, web-праграміст, і паспрабавалі сябе ў ролі вышэй пералічаных прафесій. На працягу мерапрыемства ў вучняў фарміраваліся пазітыўныя, актыўныя, адказныя адносіны да жыцця, працы, выбару прафесіі, самавыхавання і самаразвіцця.

Для вучняў 9 класа быў праведзены факультатыўны занятак па тэме “Прафесія і чалавек”. У ходзе занятку акцэнтавалася ўвага на ўменні зрабіць правільны крок у выбары будучай прафесіі, таму што ад гэтага выбару залежыць і матэрыяльны дабрабыт, і круг зносін, і інтарэсы, і, наогул, шчасце ў жыцці. Вучні пазнаёміліся з самымі “моднымі” прафесіямі, самымі “забытымі” прафесіямі, з прафесіямі, якія заўсёды патрэбны, а таксама з самымі “адважнымі” прафесіямі. Працуючы ў групах, вучні прыйшлі да вываду, што людзям любой прафесіі неабходна працаваць над сабой заўсёды, і тады любая мара можа стаць рэальнасцю.