ЗАЦВЕРДЖАНА
Загад дырэктара Грыцэвіцкай
сярэдняй школы Клецкага раёна
ад 18.12.2023 № 290
ПАЛАЖЭННЕ
аб парадку стварэння і функцыянавання
рэсурснага цэнтра па духоўна-маральным выхаванні
- Даным Палажэннем вызначаецца парадак стварэння і функцыянавання рэсурснага цэнтра па духоўна-маральным выхаванні (далей – рэсурсны цэнтр) у Дзяржаўнай установе адукацыі “Грыцэвіцкая сярэдняя школа Клецкага раёна” ( далей – установа адукацыі).
- Рэсурсны цэнтр ажыццяўляе сваю дзейнасць у адпаведнасці з Кодэксам Рэспублікі Беларусь аб адукацыі, іншымі актамі заканадаўства Рэспублікі Беларусь, у тым ліку Палажэннем аб парадку стварэння і функцыянавання рэсурснага цэнтра, зацверджанага Пастановай Савета Міністраў Рэспублікі Беларусь ад 18.01.2023 № 39, а таксама статутам установы адукацыі, у структуры якой ён створаны і даным Палажэннем.
- Каардынацыю работы па стварэнні і функцыянаванні рэсурснага цэнтра ва ўстанове адукацыі ажыццяўляе заснавальнік установы адукацыі.
- Мэтай дзейнасці рэсурснага цэнтра з’яўляецца накапленне і ўкараненне ў практыку работы ўстановы адукацыі матэрыяльных, метадычных і іншых рэсурсаў для інавацыйнага развіцця ўстаноў адукацыі раёна.
- Рэсурсны цэнтр ствараецца пры ўмове наяўнасці ў ім навукова-метадычных, матэрыяльна-тэхнічных, кадравых рэсурсаў, якія дазваляюць яму выступаць у якасці рэсурснага цэнтра па адным накірунку дзейнасці (духоўна-маральным) для іншых устаноў адукацыі.
- Асноўнымі задачамі рэсурснага цэнтра з’яўляюцца:
інфармацыйнае, навукова-метадычнае, кансультацыйнае забеспячэнне дзейнасці педагагічных работнікаў устаноў адукацыі па пытаннях арганізацыі адукацыйнага і выхаваўчага працэсаў;
правядзенне конкурсаў, турніраў, фестывалей, канферэнцый, семінараў, свят і іншых мерапрыемстваў, падрыхтоўка навучэнцаў да ўдзелу ў іх, арганізацыя і правядзенне педагагічных мерапрыемстваў;
забеспячэнне арганізацыі эксперыментальнай і інавацыйнай дзейнасці ва ўстанове адукацыі, апрабацыі і ўкараненні ў адукацыйны працэс сучасных адукацыйных і інфармацыйных тэхналогій, методык педагагічнай работы;
правядзенне ва ўстанове адукацыі работы па рэалізацыі прынцыпу інклюзіі ў адукацыі;
стварэнне ўмоў для ўдасканалення прафесійных кампетэнцый педагагічных работнікаў установы адукацыі;
удзел у рэалізацыі адукацыйнай праграмы агульнай сярэдняй адукацыі, у тым ліку пры дапамозе сеткавай формы ўзаемадзеяння.
- Рэсурсны цэнтр ствараецца як структурнае падраздзяленне ўстановы адукацыі і спыняе дзейнасць згодна з рашэннем кіраўніка ўстановы адукацыі, узгодненым з яе заснавальнікам.
Спыненне дзейнасці рэсурснага цэнтра таксама можа ажыццяўляцца па ініцыятыве заснавальніка ўстановы адукацыі.
- Для ўзгаднення стварэння ці спынення дзейнасці рэсурснага цэнтра кіраўнік установы адукацыі, у структуры якой плануецца стварэнне ці спыненне дзейнасці рэсурснага цэнтра, накіроўвае заснавальніку ўстановы адукацыі пісьмо аб узгадненні стварэння ці спынення дзейнасці рэсурснага цэнтра ў структуры ўстановы адукацыі з матываваным абаснаваннем, а таксама праект палажэння аб рэсурсным цэнтры ўстановы адукацыі (пры яго стварэнні).
У пісьме аб узгадненні стварэння рэсурснага цэнтра ўказваюцца мэты яго стварэння, накірункі дзейнасці, адпаведнасць іх мэтам і задачам дзейнасці ўстановы адукацыі, звесткі аб навукова-метадычным, кадравым, матэрыяльна-тэхнічным забеспячэнні накірункаў дзейнасці рэсурснага цэнтра.
- Заснавальнік установы адукацыі ў двухтыднёвы тэрмін са дня паступлення дакументаў, указаных у пункце 8 данага Палажэння:
пры атрыманні пісьма аб узгадненні стварэння рэсурснага цэнтра ацэньвае мэтазгоднасць яго стварэння ва ўстанове адукацыі з улікам задач, вызначаных у пункце 6 данага Палажэння, і інфарміруе кіраўніка ўстановы адукацыі, у структуры якой плануецца стварэнне рэсурснага цэнтра, пісьмом аб узгадненні стварэння рэсурснага цэнтра або аб адмове ва ўзгадненні з указаннем прычын;
пры атрыманні пісьма аб узгадненні спынення дзейнасці рэсурснага цэнтра ацэньвае мэтазгоднасць спынення яго дзейнасці і інфарміруе кіраўніка ўстановы адукацыі, у структуры якой створаны рэсурсны цэнтр,
пісьмом аб узгадненні або аб адмове ва ўзгадненні спынення дзейнасці рэсурснага цэнтра.
- Кіраўнік установы адукацыі ў пяцідзённы тэрмін пасля атрымання пісьма аб узгадненні стварэння ці спынення дзейнасці рэсурснага цэнтра прымае рашэнне аб стварэнні ці спыненні дзейнасці рэсурснага цэнтра і прыняцці іншых мер па яго рэалізацыі у адпаведнасці з заканадаўствам.
- Функцыянаванне рэсурснага цэнтра установы адукацыі ажыццяўляецца ў адпаведнасці з планам работы рэсурснага цэнтра на бягучы навучальны год, які зацвярджаецца кіраўніком установы адукацыі.
- Фінансаванне дзейнасці рэсурснага цэнтра ўстановы адукацыі ажыццяўляецца за кошт сродкаў рэспубліканскага ці мясцовага бюджэтаў, выдзяляемых на функцыянаванне ўстановы адукацыі, у структуры якой ён створаны, і іншых крыніц, не забароненых заканадаўствам.
