Шосты школьны дзень

21 лістапада  2020 года ў рамках шостага школьнага дня ва ўстанове адукацыі праведзены мерапрыемствы, звязаныя адной тэматыкай "Зямля пад белымі крыламі". З мэтай узбагачэння ведаў вучняў пра нацыянальнае багацце нашай краіны была праведзена віктарына «Беларусь - мая Радзіма». Гульня прайшла ў форме віктарыны: пытанні - адказы. Пытанні ахоплівалі розныя раздзелы: веданне геаграфіі краіны і яе прамысловасці, літаратуры, гісторыі. У ходзе гульні хлопцы змаглі праверыць свае веды, даведацца нешта новае з гісторыі нашай краіны, перанесціся ў мінулае і пазнаёміцца ​​з гістарычнымі асобамі. Гульня атрымалася цікавай і пазнавальнай. З вучнямі пачатковых класаў быў праведзены вусны часопіс "Мая зямля". Навучэнцы з задавальненнем адгадвалі загадкі і збіралі прыказкі. Мерапрыемства прайшло ў сяброўскай атмасферы.

У рамках акцыі «Міншчына спартыўная. Восень». З навучэнцамі малодшага школьнага ўзросту былі праведзены гульні на свежым паветры «Цудоўна быць здаровым». Вучням прапанавалі актыўныя забавы, накіраваныя на папулярызацыю здаровага ладу жыцця і заняткаў спортам. Усе ўдзельнікі гульняў праявілі спрыт, хуткасць, кемлівасць і атрымалі зарад эмоцый.