Міншчына спартыўная
30.01.2021Лыжныя спаборніцтвы гуляюць важную ролю ў папулярызацыі лыжнага спорту і прыцягненні да заняткаў вялікай колькасці навучэнцаў. Яны непарыўна звязаны з вучэбнай і пазакласнай працай па лыжным спорце і пры правільнай падрыхтоўцы і арганізацыі маюць вялікае выхаваўчае значэнне, аказваючы станоўчае ўздзеянне на павышэнне дысцыпліны і паспяховасці навучэнцаў. Так, у суботу 30 студзеня 2021 г., у ДУА "Грыцэвіцкая сярэдняя школа Клецкага раёна" прайшлі лыжныя спаборніцтвы сярод навучэнцаў 5-11 класаў. Хлопцы паказалі сваё майстэрства ў перамяшчэнні на лыжах, уменні выкарыстоўваць розныя віды лыжных хадоў у класічным стылі. Такім чынам, у фізічным выхаванні лыжны спорт займае адно з вядучых месцаў. Сістэматычныя заняткі лыжамі спрыяюць усебаковаму фізічнаму развіццю школьнікаў, асабліва станоўча ўплывалі на развіццё такіх рухальных якасцяў, як цягавітасць, сіла, спрыт.
